Շփումը մարդու կյանքի ամենակարևոր բաղադրիչներից մեկն է։ Մարդը հասարակական էակ է, և առանց շփման նա չի կարող լիարժեք ապրել ու զարգանալ։ Շփման միջոցով մարդիկ փոխանակում են մտքեր, զգացումներ, փորձ և գիտելիքներ։
Առաջին հերթին, շփումը օգնում է մարդկանց հասկանալ միմյանց։ Երբ մենք խոսում ենք, լսում ենք և արտահայտում մեր կարծիքը, ձևավորվում է համաձայնություն և մոտեցում։ Առանց շփման հաճախ առաջանում են թյուրիմացություններ ու վեճեր։ Լավ շփումը նպաստում է վստահության և հարգանքի ձևավորմանը։ Բացի այդ, շփումը կարևոր է կրթության և զարգացման համար։ Դպրոցում աշակերտները շփվում են ուսուցիչների և դասընկերների հետ, ինչի շնորհիվ ոչ միայն գիտելիք են ստանում, այլև սովորում են համագործակցել։ Ապագայում նույնպես շփման հմտությունները կարևոր են աշխատանքի, ընկերական և ընտանեկան հարաբերությունների մեջ։ Այսօր շփման ձևերը շատացել են՝ հեռախոս, համացանց, սոցիալական ցանցեր։ Սակայն կենդանի, անմիջական շփումը շարունակում է մնալ ամենաարժեքավորը, որովհետև այն փոխանցում է նաև հույզեր և զգացումներ։
Ամփոփելով կասեմ, որ շփումը մարդու կյանքի անբաժանելի մասն է։ Այն միավորում է մարդկանց, օգնում է հասկանալ միմյանց և կառուցել ամուր հարաբերություններ։
Դավիթ Հովհաննիսյանի ուսումնական բլոգ 