Սիրադեղյանական օրերի շրջանակում ուսումնասիրության նյութեր՝
-Վանո Սիրադեղյան․կենսագրություն
Հոդվածները
Հոդվածները վերլուծում ենք հետևյալ կետերին անդրառանալով՝:
ՀՈԴՎԱծԻ ՎԵՐԼՈՒծՈՒՄ
1.Տեղադրել նախընտրած հոդվածի հղումը :
Այս ուրվական քաղաքի բնակիչները ապրում են…
2.Ներկայացնել հոդվածի հեղինակին/հակիրճ/:
Վանո Սիրադեղյան (1946–2021) հայ պետական գործիչ, գրող և հրապարակախոս էր։ Նա եղել է «Ղարաբաղ» կոմիտեի և ՀՀՇ հիմնադիր անդամ, եղել է ՀՀ ներքին գործերի նախարար, Երևանի քաղաքապետ։ 1990-ականներին Սիրադեղյանը ակտիվ քաղաքականություն էր վարում, սակայն 1999 թվականին սկսվեց քրեական հետապնդում նրա դեմ։
3.Հոդվածի վերնագիրը. հարկավոր է ուշադիր կարդալ հոդվածը, անգամ մեկից ավելի անգամ: Առաջին հերթին ուսումնասիրեք վերնագիրը ՝ որքանով է այն ճշգրիտ արտացոլում հոդվածում բարձրացված թեման: Եվ նաև, թե որքանով է նշանակալից թեման ինքնին: Ինչպես է հեղինակը հասկանում ու բացահայտում : Խնդիրը նորույթի տեսանկյունից վերլուծելու նրա մոտեցումը:
Այս հոդվածի վերնագիրը համապատասխանում է բովանդակությունը, թեև <<ուրվական քաղաքը>> կփոխեի <<ուրվական երկիրը>>, քանի որ հեղինակը խոսում է այն խնդիրների մասին, որոնք կապված են մեր ամբողջ երկրի հետ, ոչ թե ինչ-որ կոնկրետ քաղաքի:
4.Անդրադառնալ հետազոտական թեմայի արդիականությանը:
Հոդվածի թեման շատ կարևոր է, քանի որ խոսվում է հասարակության խնդիրների և երկրի անկման մասին, ինչպիսի իրավիճակներ հաճախ հանդիպում են պատերազմից կամ սոցիալական անգործությունից հետո: Այս հարցերը շատ մարդկանց են հետաքրքրում, քանի որ դրանք ազդում են մեր կյանքին:
5.Հիմնավորել փաստական նյութի նորությունը, հուսալիությունը, ճշմարտացիությունը:
Օր.՝ Բացահայտելով իր դիրքն ու տեսակետները ՝ հեղինակը ապավինում է միայն իր ապրած դարաշրջանի փաստերին: Ներկայացվում է միայն փաստական նյութ `անուղղակիորեն հաստատելով արված եզրակացությունների և առաջարկությունների ճիշտությունը: Այնպես որ, իմ կարծիքով, բավարար տվյալներ չկան, որոնք հաստատում են օգտագործված փաստերի իսկությունը:
Հոդվածում հեղինակը ներկայացնում է իր կարծիքները և այն, ինչ ինքն է տեսել ու ապրել: Այն հիմնված է փորձի վրա, բայց որոշ բաներ չեն ապացուցվում փաստերով, այսինքն իր ներկայացրածը իր կարծիքն է և իր փորձը, բայց ոչ փաստեր:
6. Հոդվածում կոնկրետացնել ուսումնասիրվող թեմաները: Հաճախ հոդվածում մի քանի թեմաներ են արծարծվում, և պատահում է, որ հեղինակը մեկից մյուսը ցատկում է, և ի վերջո երկուսն էլ ավարտվուն չեն: Նյութի բոլոր թեմաները պետք է բացահայտվեն հաջորդաբար `վերջում դրանցից յուրաքանչյուրի տրամաբանական եզրակացությամբ:
Հոդվածում մի քանի թեմաներ են քննարկվում՝
- Կորսված անցյալը, որը դեռ հսկում է ներկան:
- Պատճառները, թե ինչու հասարակությունը կտրված է իր հողից:
- Քաղաքականության կեղծ խոստումները:
- Զինված ուժերի խնդիրները:
1-ին և 4-րդ թեմաները ավարտված են:
Պատճառները, թե ինչու հասարակությունը կտրված է իր հողից:
Թեև հոդվածը նկարագրում է, թե ինչպես են մարդիկ մի կողմից հեռանում իրենց երկրից, իսկ մյուս կողմից մահանում՝ հիասթափված իրենց ապագայից, այն չի տալիս ամբողջական պատկերացում այն մասին, թե ինչ գործոններ են նպաստել այս քայքայմանը: Նույնպես չի քննարկվում, թե ինչ մեխանիզմներ կարող են կանգնեցնել այս գործընթացը: Հեղինակը անդրադառնում է, որ երիտասարդները զոհվում են, բայց չի բացատրում, թե ինչու են խաղաղ պայմաններում մահերը նույնքան շատ, որքան պատերազմի տարիներին: Այս խնդիրները լուծելու համար պետք է զարգացնել կրթությունը, սոցիալական աջակցությունը և վերականգնել վստահությունը ժողովրդի և իշխանության միջև:
Քաղաքականության կեղծ խոստումները:
Հեղինակը նկարագրում է, թե ինչպես քաղաքական ղեկավարները շարունակում են խոսել ապագայի պայծառության մասին, բայց իրականում չեն անում մի բան էլ: Այս թեման չի բացահայտվում լիարժեքորեն, քանի որ ոչ բոլոր քաղաքական գործողություններն են մանրամասնորեն նկարագրված: Ավարտելով կասեմ, որ իշխանությունը սուտի խոստումներով ստում է ժողովրդին, որովհետև ավելի հեշտ է ոչ մի բան անել և լավ ապրել ժողովրդին ստելու հաշվին, քան անել խոստումները, շինել երկիրը, բայց այդքան լավ չապրել:
7. Վերոնշյալ չափանիշներին համապատասխան այս կարևոր կետերը վերանայելուց հետո դուք պետք է որոշեք թեման ամբողջությամբ բացահայտվա՞ծ է: Պատահում է, որ հեղինակը հատուկ չի բացահայտում ամեն ինչ մինչև վերջ ՝ թողնելով հարցը բարձրացված ՝ ընթերցողին ստիպելու մտածել և վերլուծել ինքն իրեն: Սրանք որոշակի նյութեր են, որոնք իրենց առջև խնդիր են դնում չբացահայտել և լիովին չվերլուծել նկարագրված խնդիրները, այդպիսով, հետաքրքրում են ընթերցողին ՝ հնարավորություն տալով ինքնուրույն եզրակացնել: Եթե նման հոդվածի եք հանդիպում, ապա այն պետք է նշել նյութը ուսումնասիրելիս:
Ինչպես նշեցի վերևում, երկու թեմա ավարտված չէին՝ <<Պատճառները, թե ինչու հասարակությունը կտրված է իր հողից>> և <<Քաղաքականության կեղծ խոստումները>>: Ես կարծում եմ, որ այս հարցերը լուծելու համար նախ պետք է վերականգնել վստահությունը իշխանության և ժողովրդի միջև: Դա ապացուցում է նաև պատմությունը: Այսքան հազարամյակների ընթացքում ոչ մի երկիր կայուն, ուժեղ և լավը չի եղել, երբ իշխանության և ժողովրդի հանդեպ վստահություն չի եղել, միշտ լավ երկրներում իշխանության և ժողովրդի միջև վստահություն է եղել: Իսկ վստահությունը վերականգնելու համար, պետք է կատարել խոստումները և զարգացնել երկիրը:
8. Դուրս գրել ձեզ համար կարևոր հատվածները, ձեր տեսակետը հիմնավորել:
«Մարդիկ հավատում են: Հետո դադարում են հավատալ: Հետո էլի հավատում են…»
Այս հատվածով հեղինակը ընդգծում է ժողովր դիանվերջ սպասումների ու հիասթափությունների ցիկլը:
«Այս երկիրը իր հաղթական բանակը զրկել է զորապետերից…»
Հավասարակշռված բանակի գաղափարը կործանվում է, քանի որ երկրի ղեկավարները չկարողացան ճիշտ կառավարել բանակը:
«Այս երկիրը չորացնում է իր դուստրերի արգանդը…»
Սա խոսում է երկրի՝ ապագա սերունդներ չունենալու մասին:
Դավիթ Հովհաննիսյանի ուսումնական բլոգ 