Մի մրահոն աղջիկ տեսա
Ռիալտոյի կամուրջին,
Հորդ մազերը – գետ գիշերվա,
Եվ հակինթներ` ականջին:
Աչքերը սև — արևներ սև,
Արևների պես անշեջ,
Գալարում էր մեջքը թեթև
Ծաղկանկար շալի մեջ:
Աչքս դիպավ աչքի բոցին,
Ու գլուխըս կախեցի.
Ժպտաց ժպտով առեղծվածի,
Հավերժական կանացի:
Միամիտ չեմ` հավատամ քեզ.
Տառապանքս փորձ ունի. –
Մի մրահոն կույս էր քեզ պես,
Կոտրեց սիրտս պատանի …
1. Ըստ բանաստեղծության նկարագրի՛ր աղջկան։
Աղջիկը մրահոն էր, սև աչքերով, հորդ մազերով և գեղեցիկ ժպիտով։
2. Մեկնաբանի՛ր ,,առեղծվածային ժպիտ,, արտահայտությունը։
3. Մեկնաբանի՛ր բանաստեղծությունը։
Հեղինակը տեսնում է աղջկա, բայց հիշելով իր անցյալ փորձը, զգուշանում է։
Ռավեննայում
Արարատի ծեր կատարին
Դար է եկել, վայրկյանի պես,
Ու անցել:
Անհուն թվով կայծակների
Սուրն է բեկվել ադամանդին,
Ու անցել:
Մահախուճապ սերունդների
Աչքն է դիպել լույս գագաթին,
Ու անցել:
Հերթը հիմա քոնն է մի պահ.
Դու էլ նայիր սեգ ճակատին,
Ու անցիր…
1. Ինչպե՞ս է ներկայացվում ժամանակի անցողիկությունը։
Այն ներկայացվում է որպես արագ մի բան։ Դարերը անցնում են վարկյանների ընթացքում։
2. Ի՞նչ է խորհրդանշում Արարատը։
Արարատը խորհրդանշում է հավերժություն, ուժ և հայ ժողովրդի պատմությունը։
3. Ի՞նչ ուղերձ է փոխանցում բանաստեղծությունը։
Բանաստեղծությունը ասում է, որ կյանքը կարճ է, մարդը գալիս ու անցնում է, իսկ մեծ արժեքներն ու պատմությունը մնում են։
Դավիթ Հովհաննիսյանի ուսումնական բլոգ 